خاتون کو بچوں سمیت گھر میں بند کر زندہ جلانے کی کوشش ، پیشہ ور مجرم پونہ سے گرفتار

ناسک/ ناسک کرائم برانچ یونٹ کی ٹیم نے ایک عادی ملزم کو گرفتار کیا ہے جس نے سابقہ ​​جھگڑے کی وجہ سے خاتون اور اس کے بچوں کو گھر کے اندر بند کر کے گھر کو باہر سے آگ لگا دی تھی ۔ ملزم کی شناخت نکھل عرف سوپنل بوراڈے (23 سال ساکن پمپل پٹی روڈ، جیل روڈ) کے طور پر کی گئی ہے۔  معلوم ہوکہ اس کے خلاف کئی سنگین جرائم درج ہیں ۔

 اس معاملے میں مزید معلومات یہ ہے کہ جیل روڈ کے پمپل پٹی علاقے کی رہنے والی کلیانی مورے کی شکایت کے مطابق ملزم نکھل نے جمعہ (19 تاریخ) کو رات ساڑھے 10 سے 11 بجے کے درمیان گھر کو آگ لگا دی تھی ۔  نکھل نے شکایت کرنے پر اپنے غصے کو ذہن میں رکھتے ہوئے کلیانی کو گھر میں بند کر دیا اور گھر کی کھڑکی اور دروازے کو آگ لگا دی۔  جان سے مارنے کی دھمکیاں بھی دیں۔  اس معاملے میں کلیانی کی شکایت کے مطابق نکھل کے خلاف ناسک روڈ پولیس اسٹیشن میں مقدمہ درج کیا گیا ہے۔

 ادھر ملزم واردات کے بعد فرار ہو گیا تھا ،   کرائم برانچ یونٹ ون کے پولیس نائک ملیدان سنگھ پردیشی کو معلوم ہوا کہ ملزم نکھل پونہ کے ہنجے واڑی علاقے میں ہے۔  اسی کے مطابق سینئر پولیس انسپکٹر مدھوکر کڈ کی رہنمائی میں اسسٹنٹ سب انسپکٹر سوگن سبرے، کانسٹیبل مہیش سالونکے، نائک پردیشی، انفورسمنٹ آفیسر راہل پالکھیڈے، ڈرائیور سادھن پوار کی ٹیم پونے گئیں۔  انہوں نے جال بچھا کر نکھل کو اپنی تحویل میں لے لیا۔  کرائم برانچ یونٹ ون نے گرفتار ملزم نكهل کو دیگر کاروائی کے لئے ناسک روڈ پولیس کے سپرد کردیا ہے۔