اس اسکیم کے تحت، باصلاحیت اور خواہشمند پسماندہ طبقے کے طلباء جنہوں نے حال ہی میں 12ویں پاس کی ہے اور کمپیوٹر، خاص طور پر مصنوعی ذہانت (AI) ٹولز کا مؤثر طریقے سے استعمال کر سکتے ہیں، انہیں تین سال تک ڈیجیٹل اور AI سہولت کار کے طور پر انتظامی کام کرنے کا موقع ملے گا۔ اس اسکیم کے تحت طلباء کو وظیفہ دیا جائے گا۔ پہلے سال میں 8,000 روپے دوسرے سال میں 9,000 روپے اور آخری سال میں 10,000 روپے کے ساتھ 4000 روپے اضافی الاؤنس (بھتہ) بھی دیا جائے گا ۔
پریس ریلیز میں یہ بھی کہا گیا ہے کہ اس اسکیم میں مسلسل تین سال کے تسلی بخش کام اور خود مطالعہ کے بعد، تیسرے سال کے اختتام پر، طلباء کو بی بی اے (بیچلر ان بزنس ایڈمنسٹریشن (سروسز مینجمنٹ) کی ڈگری اندرا گاندھی نیشنل اوپن یونیورسٹی سے) اور تین سال کے کام کے لیے ناسک ضلع پریشد سے کام کے تجربے کا سرٹیفکیٹ ملے گا ۔
