تحقیقات کے دوران پولیس نے رام گوڈے سے 37 لاکھ روپے کے زیورات، تقریباً ایک کروڑ روپے کی بی ایم ڈبلیو کار اور چار مہنگے آئی فون ضبط کیے ہیں۔ اسسٹنٹ کمشنر آف پولیس سوہاس ہیما نے کہا کہ اس معاملے میں مزید شکایات سامنے آنے کا امکان ہے۔
دھوکہ دہی کی چونکا دینے والی قسم :
جب ڈومبیولی کے ایک اعلیٰ خاندان کی نوجوان خاتون کے گھر والوں نے دیکھا کہ اس کے گھر سے اس کے زیورات غائب ہیں، اس کے گھر والوں نے اس سے پوچھ گچھ کی۔ اس وقت اس نے اعتراف کیا کہ اس نے تمام زیورات اپنے عاشق شیلیش رام گوڈے کو دیے تھے۔ جیسے جیسے شک بڑھتا گیا، گھر والوں نے اس کے بارے میں پوچھ گچھ کی تو پتہ چلا کہ تھانے کے کپورباوڑی پولیس اسٹیشن میں دھوکہ دہی کے دو کیس پہلے ہی درج ہوچکے ہیں۔ جب گھر والوں کو یہ اطلاع ملی کہ اسے پہلے گرفتار کر لیا گیا ہے تو وہ وشنو نگر پولیس اسٹیشن پہنچے۔
سوشل میڈیا کے ذریعے 'محبت کا جال :
تحقیقات سے پتہ چلا کہ رام گوڈے انسٹاگرام پر نوجوان خواتین سے دوستی کرتا تھا۔ ’ریل اسٹار‘ کے طور پر اپنی مقبولیت کا فائدہ اٹھاتے ہوئے، وہ نوجوان خواتین کو محبت کے جال میں پھنساتا تھا۔ ان کا اعتماد حاصل کرنے کے بعد، وہ کبھی ای ڈی کی طرف سے چھاپہ مارنے کا جھوٹا الزام لگاتا اور کبھی دیگر مالی مسائل کا بہانہ بنا کر ان سے زیورات اور رقم لے لیتا تھا۔ تحقیقات سے یہ بات بھی سامنے آئی کہ بہت سی نوجوان خواتین اعلیٰ تعلیم یافتہ ہیں اور کچھ آئی ٹی انجینئرز کے طور پر کام کر رہی ہیں۔
وشنو نگر کے سینئر پولیس انسپکٹر رام چوپڈے اور پولس انسپکٹر گہنی ناتھ سرجیراؤ گیم کی قیادت میں ایک ٹیم نے رام گوڈے کو تھانے کے ہیرانندنی میں واقع ان کی رہائش گاہ سے گرفتار کیا۔ گھر سے بڑی مقدار میں زیورات، لگژری کاریں اور مہنگے موبائل فون برآمد کر لیے گئے ہیں ۔
اس معاملے نے ڈومبیولی اور تھانے کے علاقوں میں ہلچل مچا دی ہے اور پولس اس بات کی جانچ کر رہی ہے کہ مزید کتنی نوجوان خواتین اس دھوکہ دہی کا شکار ہوئیں ہیں ۔
