موصولہ اطلاعات کے مطابق ادوئے ہیرے نے آج ممبئی میں بی جے پی کے دفتر میں اپنے حامیوں کے ساتھ پارٹی میں شامل ہو گئے ہیں ۔ پچھلے کئی دنوں سے ادوئے ہیرے کے بی جے پی میں شامل ہونے کی بات چل رہی تھی۔ اس سے پہلے ادوئے ہیرے بی جے پی میں تھے۔ وہ بی جے پی سے ٹھاکرے گروپ میں شامل ہوئے تھے۔ اس کے بعد ہیرے نے 2024 میں مالیگاؤں آؤٹر حلقہ سے شندے شیو سینا کے وزیر دادا بھوسے کے خلاف الیکشن لڑا، تاہم اس الیکشن میں انہیں شکست ہوئی۔ مالیگاؤں کی سیاست میں ہیرے خاندان کی طاقت ہے۔ اب ادوئے ہیرے کے پارٹی میں داخل ہونے سے بی جے پی مزید مضبوط ہوگی ۔
دریں اثنا، ادوے ہیرے کے خلاف تحقیقات زوروں پر تھی۔ اس نے اس معاملے کا بھی سامنا کیا تھا ۔ لیکن پچھلے کچھ دنوں سے ان کے بی جے پی میں واپسی کے بارے میں مسلسل باتیں ہو رہی تھیں۔ ابھی تک اس کے بارے میں کوئی سرکاری معلومات سامنے نہیں آ رہی تھیں۔ لیکن اب ادوے ہیرے نے آج ممبئی میں بی جے پی کے دفتر میں باضابطہ طور پر شمولیت کرلی ہے ۔ ادوئے ہیرے کے پارٹی میں داخل ہونے کی وجہ سے نائب وزیر اعلیٰ ایکناتھ شندے کی شیوسینا کو مالیگاؤں میں بڑے چیلنج کا سامنا کرنا پڑے گا ۔ ادوے ہیرے کے بی جے پی میں شامل ہونے کی وجہ سے آنے والا الیکشن دادا بھوسے کے لیے باوقار ہوگا ۔
