ای میل میں دہلی، ممبئی، چنئی، تریویندرم اور حیدرآباد کے ہوائی اڈوں کا ذکر ہے اور اس واقعے کے بعد تمام ہوائی اڈوں پر ہائی الرٹ جاری کر دیا گیا ہے۔ سیکورٹی فورسز نے فوری طور پر تحقیقات شروع کر دی ہیں اور ای میل کے ماخذ کو تلاش کر رہے ہیں۔
دریں اثنا، ممبئی سے وارانسی جانے والی ایئر انڈیا ایکسپریس کی پرواز کو اسی طرح کی دھمکی ملنے کے بعد لال بہادر شاستری بین الاقوامی ہوائی اڈے پر ہنگامی صورتحال پیدا ہو گئی۔ طیارہ بحفاظت لینڈ کر گیا اور تمام مسافر محفوظ ہیں۔ معائنہ کے دوران کوئی مشکوک چیز نہیں ملی۔
ایئر انڈیا ایکسپریس کے ایک ترجمان نے کہا، "دھمکی ملتے ہی حکومت کی سیکورٹی کمیٹی کو مطلع کیا گیا اور تمام ضروری اقدامات کیے گئے"۔
اس وقت ملک کے تمام بڑے ہوائی اڈوں پر سکیورٹی سخت کر دی گئی ہے۔ سی آئی ایس ایف، مقامی پولیس، ڈاگ اسکواڈ اور بم ڈسپوزل اسکواڈ کو چوکس رکھا گیا ہے اور وہ کسی بھی صورتحال سے نمٹنے کے لیے تیار ہیں۔
