زمینی ریکارڈ کی خدمات زیادہ موثر اور قابل رسائی انداز میں فراہم کرنے کے لیے، نئے ڈسٹرکٹ سپرنٹنڈنٹ لینڈ ریکارڈ آفس کا افتتاح ،ریونیو اور لینڈ ریکارڈ کی خدمات شہریوں کے لیے زیادہ قابل رسائی ہوں گی

مالیگاؤں 15 جون / شہریوں کو زمینی ریکارڈ کی خدمات زیادہ موثر اور قابل رسائی انداز میں فراہم کرنے کے لیے، نئے ڈسٹرکٹ سپرنٹنڈنٹ لینڈ ریکارڈ، ناسک نمبر 2، مالیگاؤں کے دفتر کو نئے تحصیل آفس کی تیسری منزل پر فعال کیا گیا ہے۔ اس دفتر کے ذریعے جدید ٹیکنالوجی کا استعمال کرتے ہوئے لینڈ ریکارڈ کے انتظام کو مزید موثر بنایا جائے گا۔ ضلع سپرنٹنڈنٹ لینڈ ریکارڈ، ناسک نمبر 1، ہیمنت سانپ نے شہریوں سے دستیاب خدمات سے فائدہ اٹھانے کی اپیل کی ہے۔

اس نئے دفتر کا افتتاح آج صبح مسٹر سانپ نے کیا۔ اس موقع پر تحصیلدار وشال سونونے، ڈپٹی سپرنٹنڈنٹ لینڈ ریکارڈ الپیش پاٹل، چاندوڑ کے ڈپٹی سپرنٹنڈنٹ لینڈ ریکارڈ مسٹر بھابڈ، اربن سروے آفیسر پی کے چودھری اور دیگر افسران اور ملازمین موجود تھے ۔

اس دفتر کے دائرہ اختیار میں مالیگاؤں، باگلان، دیولا، کلون، ناندگاؤں، یولہ اور چاندوڑ یہ سات تعلقے شامل ہیں۔ اس دفتر کے ذریعے مختلف خدمات اور ریکارڈ سے متعلق کام زیادہ متحرک اور آسان ہوں گے۔ اس کے علاوہ شہریوں کو مختلف خدمات کے لیے لگنے والے وقت میں کمی آئے گی ، وقت کی بچت ہوگی اور ضروری خدمات مقامی سطح پر فوری طور پر دستیاب ہوں گی۔ اس موقع پر کہا گیا کہ اس سے ریونیو انتظامیہ میں شفافیت بڑھانے اور شہریوں کی شکایات کا بروقت ازالہ کرنے میں مدد ملے گی ۔