اورنگ آباد : 21 مئی / خواتین کے خلاف بڑھتے تشدد کے واقعات تشویشناک ، کیا دہلی کے بعد مہاراشٹر خواتین کے لیے ایک غیر محفوظ ریاست بنتی نظر آرہی ہے ۔۔؟ ، اورنگ آباد میں یک طرفہ محبت کو لیکر ایک دل دہلا دینے والا معاملہ سامنے آیا ہے ۔ جس میں دن دھاڑے دیوگیری کالج کے باہر 200 فٹ پیدل گھسیٹ کر ایک نوجوان نے ایک طالبہ کو چاقو مار کر ہلاک کر دیا ۔
یہ افسوس ناک واقعہ سی سی ٹی وی کیمرے میں قید ہوگیا ہے۔ متوفی 19 سالہ لڑکی دیوگری کالج میں بی بی اے پہلے سال میں زیر تعلیم تھی ۔ ابتدائی معلومات کے مطابق یہ واقعہ یک طرفہ محبت کی وجہ سے بتایا گیا ہے ۔ اس معاملے کی مزید تحقیقات پولیس کررہی ہے ۔
