مالیگاؤں (پریس ریلیز) یونیفارم سول کوڈ کے خلاف مسلم پرسنل لاء بورڈ نے جو موقف اختیار کیا ہے اس کی ہم پر زور تائید و حمایت کرتے ہیں اور آپ جناب کی عمومی اپیل پر ہم نے اپنی میٹنگ میں اپنے ورکروں ، ہمدردوں کو ہدایت دی ہے کہ ہماری ملی غیرت وحمیت کا تقاضہ یہ ہے کہ ہم اس نازک موڑ پر ملک بھر کے مسلمانوں کی نمائندہ تنظیم آل انڈیا مسلم پرسنل لاء بورڈ کی جانب سے جاری کردہ ہدایات پر عمل کریں۔ چنانچہ آپ کی جانب سے جاری کردہ QR کوڈ کو اپنے آفس پر چسپاں کر کے ہر آنے جانے والے کا اعتراض موبائیل ایپ کے ذریعے داخل کردار ہے ہیں اور دی گئی Link کے ذریعے E-mail کر کے بڑی تعداد میں لاء کمیشن کو اعتراضات بھیجے جارہے ہیں۔اسطرح کی تفصیلات کیساتھ ایک خط موقر وفد کے ہمراہ آصف شیخ رشید نے مسلم ریزرویشن فیڈریشن کی جانب سے آل انڈیا مسلم پرسنل لاء کے سیکرٹری مولانا عمرین محفوظ رحمانی سے ملاقات کرتے ہوئے دیا ہے ۔اس خط میں لکھا ہے کہ یہ خط آپ کی خدمت میں بطور تائید وحمایت دے رہے ہیں اور یقین دہانی کراتے ہیں کہ UCC کے مسئلے پر مسلم پرسنل لاء بورڈ کے ہر ہر قدم پر بھر پور ساتھ دیں گے۔ اللہ ہم سب کا حامی و ناصر ہے۔
اس موقع پر یہ تبادلہ خیال کرتے ہوئے یہ طئے پایا گیا ہے کہ آل انڈیا مسلم پرسنل لاء بورڈ اور مسلم ریزرویشن فیڈریشن کے اشتراک سے بروز جمعہ کو بعد نماز جمعہ شہر بھر میں بیداری پیدا کرنے اور لاء کمیشن کو آل انڈیا مسلم پرسنل لاء بورڈ کو حمایت دیتے ہوئے مسلم ریزرویشن فیڈریشن کے زیر اہتمام مسلمانان مالیگاؤں کی جانب سے زیادہ سے زیادہ اعتراض داخل کروایا جائے گا ۔اس ضمن میں مسلم ریزرویشن فیڈریشن شہر بھر میں اسٹال لگا کر QR کوڈ اور E - MAIL کے ذریعے یونیفارم سول کوڈ کے خلاف اپنے اپنے اعتراض لاء کمیشن کو روانہ کریں گے ۔اس موقع پر آصف شیخ نے کہا کہ ملک کے مسلمانوں کی نمائندہ جماعت مسلم پرسنل لاء بورڈ کے ہر فیصلے کارپوریشن ہم خیر مقدم کرتے ہوئے یونیفارم سول کوڈ کی پر زور مخالفت کرتے ہیں اور شہریان مالیگاؤں سے گزارش کرتے ہیں کہ وہ زیادہ سے زیادہ تعداد میں اپنے اعتراضات لاء کمیشن کو روانہ کریں ۔اس وفد میں آصف شیخ، اسلم انصاری ،حافظ انیس اظہر، اعجاز عمر ،پرنسپل خان انعام الرحمن، راجو مستقیم انجینئر، عبدالحلیم صدیقی، حاجی محمد مسلم، شیخ کلیم چائے پتی والا، جاوید احمد، رئیس عثمانی، شکیل احمد شاہ، انصاری ندیم پھنی والا وغیرہ موجود تھے ۔
نوٹ : مسلم ریزرویشن فیڈریشن کی جانب سے شہر بھر میں بیداری پیدا کرنے کیلئے الگ الگ مقامات کی تفصیلات واٹس ایپ کے ذریعے شیئر کی جائے گی ۔اسی طرح عوام اس بات کا خاص خیال رکھیں کہ ایم آر ایف کی جانب یہ مہم بروز جمعہ کو دوپہر تین بجے سے شام سات بجے تک انجام دی جائے گی لیکن لاء کمیشن کو اپنے اعتراضات 14 جولائی بروز جمعہ کی رات بارہ 12 بجے تک روانہ کر سکتے ہیں ۔
