تفصیلات کے مطابق انہوں نے بتایا کہ محرم کی تعطیل ہونے پر شہر کے نوجوان بیرون شہر تفریح کیلئے جاتے ہیں لیکن بار بار سمجھانے کے باوجود وہ ٹو وہیلر پر سفر کرتے ہیں جس کے سبب حادثہ پیش آتا ہے ۔ایسا ہی واقعہ ان نوجوانوں کے ساتھ پیش آیا جب یہ دونوں نوجوان جمعرات کو صبح مالیگاؤں سے ساپو تارہ گھاٹ سیر و تفریح کیلئے نکلے راستے میں ہوا ڈانگ نامی دیہات کے پاس مخالف سمت سے آرہی ایک پک اپ گاڑی نے زور دار ٹکر دے ماری اور اسی دوران پک اپ گاڑی بھی پلٹ گئی ۔جس کے سبب ٹو وہیلر پر سوار یہ دونوں نوجوان حادثہ کا شکار ہوگئے ۔اس حادثے میں ایک نوجوان کے اوپر اپ گاڑی گر گئی جس میں دب کر مالیگاؤں شہر کا نوجوان ہلاک ہوگیا ۔
اس نوجوان کا نام ساجد احمد انور احمد، عمر 37 سال، ساکن نشاط نگر مالیگاؤں بتایا گیا ہے ۔انہوں نے بتایا کہ متوفی ساجد احمد کی نعش مالیگاؤں لائی گئی، جنرل اسپتال میں قانونی کارروائی کے بعد اہل خانہ کے حوالے نعش کی گئی ۔عائشہ نگر قبرستان میں تدفین عمل میں آئی ۔
شفیق اینٹی کرپشن نے بتایا کہ اس حادثے میں ساجد احمد کا دوست شدید زخمی ہوا ہے ۔اس نوجوان کو مالیگاوں کے سہارا اسپتال میں بغرض علاج داخل کیا گیا ہے ۔شفیق اینٹی کرپشن نے بتایا کہ تہوار یا عام تعطیل کے دوران نوجوانوں کو چاہیے کہ وہ سفر کرنے کیلئے بس کو ترجیح دیں ۔ٹووہیلر سے سفر کرنے سے پرہیز کریں ۔بارش کا موسم ہے راستے خراب اور موسم ابر آلود و کہر ہونے سے صاف نظر نہیں آتا جس کے سبب حادثات پیش آتے ہیں ۔اس لئے نوجوان ٹووہیلر کے سفر سے اجتناب کریں ۔
