این سی پی کے تمام ممبران اسمبلی کی ایک اہم میٹنگ کل صبح 11 بجے ممبئی میں ہوگی۔ اس میٹنگ میں گروپ لیڈر کا انتخاب کیا جائے گا، جس کے بعد سنیترا پوار شام کو نائب وزیر اعلیٰ کے عہدے کا حلف لیں گی۔ اجیت پوار کے سیاسی مشیر نریش اروڑہ نے سنیترا پوار سے اس پر تبادلہ خیال کیا اور انہوں نے یہ عہدہ قبول کرنے پر رضامندی ظاہر کی۔
دریں اثنا، سینئر این سی پی لیڈر چھگن بھجبل، سنیل تٹکرے، دھننجے منڈے اور پرفل پٹیل نے وزیر اعلی دیویندر فڑنویس سے ان کی ورشا رہائش گاہ پر ملاقات کی۔ اس میٹنگ کے بعد بتایا جا رہا ہے کہ آخر کار نائب وزیر اعلیٰ کے عہدے کے لیے سنیترا پوار کے نام کی تصدیق ہو گئی۔
پارٹی نے مقننہ کو ایک خط بھیجا ہے جس میں کل ہونے والے ایم ایل ایز کی میٹنگ کے لیے جگہ کا مطالبہ کیا گیا ہے۔ بتایا جاتا ہے کہ احتیاط کے طور پر بہت سے ایم ایل اے آج یا کل صبح ممبئی پہنچیں گے ۔
سنیترا پوار ایک نظر میں :
پیدائش: 18 اکتوبر 1963 (62 سال)، مہاراشٹر
بچے : پارتھ پوار ، جے پوار
شریک حیات : اجیت پوار ( 1985-2026) ۔
پارٹی : نیشنلسٹ کانگریس پارٹی (این سی پی )
عہدہ : راجیہ سبھا رکن ۔
