متوفی لڑکے کا نام یش سنگھ (عمر 4سال) ہے اور وہ خاندان کا اکلوتا بیٹا تھا۔ چونکہ وہ ذہنی طور پر معزور تھا، اس لیے اس کی خوراک زیادہ تر دودھ پر منحصر تھی۔ جمعرات کی صبح 5 بجے کے قریب وہ بھوک کی وجہ سے مسلسل رو رہا تھا ، اس وجہ سے اس کے والد راجیش سنگھ (عمر 26سال) ناراض ہو گئے۔ الزام ہے کہ نشے میں دھت راجیش نے لڑکے کو اٹھا کر دروازے پر مارا۔ اس شدید مار کی وجہ سے یش کی موقع پر ہی موت ہو گئی۔
تفتیش کے دوران سامنے آنے والی معلومات کے مطابق ملزم باپ شراب کا عادی تھا اور کوئی کام نہیں کرتا تھا۔ اس کی بیوی گھر کا کام کر کے خاندان کا گزارا کرتی تھی۔ شوہر کے نشہ آور رویے سے تنگ آکر وہ دو ہفتے قبل ہی اپنی والدہ کے گھر چلی گئی تھی۔ اس کے بعد گھر میں صرف باپ بیٹا ہی رہتے تھے ۔
پوسٹ مارٹم رپورٹ میں انکشاف ہوا ہے کہ بچے کے سر پر شدید چوٹیں آئیں اور فریکچر ہوا۔ اس سے یہ واضح ہوا کہ اس کی موت اسی وجہ سے ہوئی ہے ۔
اس واقعہ کے بعد ملزم کی بہن نے پولیس میں شکایت درج کرائی۔ اس کے مطابق پوائی پولیس نے فوری کارروائی کرتے ہوئے راجیش سنگھ کو گرفتار کرلیا۔ عدالت میں پیش کرنے کے بعد انہیں یکم جون تک پولیس کی تحویل میں دے دیا گیا اور کیس کی مزید تفتیش جاری ہے۔
اس واقعہ سے علاقہ میں کہرام مچ گیا ہے اور کمسن بچے پر اس قسم کے ظلم سے شہریوں میں غم و غصہ کی لہر دوڑ گئی ہے۔
