اورنگ آباد : 28 مئی / اورنگ آباد ضلع کے ولوج میں دو ماہ کی حاملہ خاتون نے خودکشی کر لی ہے۔ خاص بات یہ ہے کہ اس خاتون کی شادی ایک سال قبل ہی ہوئی تھی ۔
ذرائع سے ملی تفصیلات کے مطابق ضلع کے والوج میں ایک چونکا دینے والا واقعہ پیش آیا ہے جہاں ایک حاملہ شادی شدہ خاتون نے خودکشی کرلی۔ 24 سالہ شادی شدہ خاتون جو کہ ایک سال قبل شادی کے بعد دو ماہ کی حاملہ تھی نے آج صبح ولوج انڈسٹریل ٹاؤن علاقے کے بجاج نگر میں خودکشی کرلی ۔ اس موقع پر واقعے کے بعد گھاٹی اسپتال میں میکے والے و سسرالیوں ، رشتہ داروں کے درمیان لڑائی شروع ہوگئی اور علاقے میں پولیس کو تعینات کردیا گیا ہے۔ متوفی کی شناخت 24 سالہ جے شری رتیش پاٹل (ساکن بجاج نگر، اورنگ آباد) کے طور پر ہوئی ہے۔
معلوم ہوا ہے کہ جے شری نے آج صبح تقریباً 5.30 بجے کے درمیان اپنی رہائش گاہ پر چھت کے پنکھے سے اوڑھنی کا پھانسی کا پھندا بنا کر خودکشی کرلی ۔ پولیس نے موقع پر پہنچ کر جے شری کو اسپتال پہنچایا۔ تاہم تب تک جے شری کی موت ہو چکی تھی۔ اسے جائے وقوعہ پر مردہ قرار دیا گیا۔
خاتون جے شری کی موت کی اطلاع ملتے ہی اس کے رشتہ دار بڑی تعداد میں گھاٹی اسپتال کے مردہ خانے پہنچے۔ اس موقع پر رشتہ داروں میں لڑائی شروع ہو گئی۔ کسی بھی قسم کی تصادم کو روکنے کے لیے علاقے میں پولیس کو تعینات کر دیا گیا ہے۔ جے شری کی موت کے سلسلے میں ایم آئی ڈی سی والوج پولس اسٹیشن میں حادثاتی موت کا اندراج کیا گیا ہے۔ دیگر تحقیقات پولیس کررہی ہے ۔
