ممبئی / مرکزی حکومت کی بدنیتی کو ظاہر کرنے والے وقف ترمیمی بل کی لوک سبھا میں سماج وادی پارٹی سمیت انڈیا الائنس کی سبھی پارٹیوں نے زبردست مخالفت کی. اس مخالفت کا نتیجہ رہا کہ حکومت مجبوراً اسے لوک سبھا میں پاس نہیں کرا سکی اور اس بل کو سبھی پارٹیوں کی ایک مشترکہ پارلیمانی کمیٹی کے حوالے کرنا پڑا. گزشتہ دنوں مزکورہ مشترکہ پارلیمانی کمیٹی کو ملک بھر سے بذریعہ ای میل اعتراضات و مشورے روانہ کئے گئے. اب کمیٹی کے صدر و اراکین مخلتف جگہوں پر پہنچ کر عوامی رائے و اعتراضات پر شنوائی کر رہے ہیں. اسی سلسلے میں جوائنٹ پارلیمنٹری کمیٹی کی دو روزہ شنوائی ممبئی کے سانتاکروز علاقے میں تاج ہوٹل میں منعقد ہوئی.
