ماں میں آپ کو پریشان نہیں کرنا چاہتی میری پڑھائی کے اخراجات زیادہ ہیں، آپ ٹینشن نہ لیں ،خاتون پولیس اہلکار کی بیٹی نے سوسائڈ نوٹ لکھ کر خودکشی کرلی

ناسک/ماں میں آپ کو پریشان نہیں کرنا چاہتی میری پڑھائی کے اخراجات زیادہ ہیں، آپ ٹینشن نہ لیں، آپ ادھر ادھر بھاگ رہی ہیں ، اس طرح کی بات خاتون پولیس افسر کی بیس سالہ طالبہ بیٹی نے خودکشی خط میں لکھ کر پھانسی لگا کر خودکشی کر لی ۔ اس واقعہ سے محکمہ پولیس میں ہلچل مچ گئی ہے۔

طالبہ کا نام پوجا دیپک ڈمبرے (رہائش، وہنگ اپا، وی ڈی  کامگار نگر، امرتدھام، پنچوٹی) ہے۔ پوجا نے 12ویں پاس کرنے کے بعد کالج کا پہلا سال شروع کیا تھا۔ اس کے والد کی علیحدگی کے بعد سے دونوں خاندان کے افراد اپنی ماں کے ساتھ رہ رہے تھے ۔ اس دوران حساس پوجا خاندان کے مالی حالات سے تناؤ کا شکار تھی ۔

چونکہ اس کی ماں پولیس افسر تھی، اس لیے اسے اور اس کی ماں کو خاندانی اور اخلاقی ذمہ داریاں نبھانی پڑتی تھیں، پوجا اپنی ماں سے بہت پیار کرتی تھی۔ تاہم پوجا نے جمعہ (19جولائی ) کو رات 8 بجے سے پہلے گھر کے ہال میں پھانسی لگا کر خودکشی کرلی۔ جیسے ہی یہ واقعہ نظر آیا، اسے اسپتال میں داخل کرایا گیا۔ تاہم جانچ کے بعد اسے مردہ قرار دے دیا گیا۔ اس سلسلے میں اڈگاؤں پولس اسٹیشن میں حادثاتی موت کا اندراج کیا گیا ہے۔

تفتیشی افسر کی بے حسی :

جب کئی میڈیا اداروں سمیت سماجی کارکنوں نے اس سلسلے میں تفتیشی افسر اور اڈگاؤں پولیس اسٹیشن کے اسسٹنٹ سب انسپکٹر بالا صاحب جادھو سے بار بار رابطہ کیا تو انہوں نے فون نہیں اٹھایا۔ رابطہ کرنے پر وہ مبہم معلومات دے کر بے حسی کی انتہا کو پہنچ گیا اور کہا کہ میں آپ کو تھوڑی دیر میں معلومات دوں گا ۔