ممبئی : بالی ووڈ فلم انڈسٹری سے ایک سنسنی خیز خبر سامنے آئی ہے , فلم ’دھورندر‘ Dhurandhar میں کردار ادا کرنے والے بڑے اداکار کے خلاف مقدمہ درج کرلیا گیا ہے۔ معلوم ہوا ہے کہ یہ معاملہ گھریلو ملازمہ کے ساتھ زیادتی کے الزام میں درج کیا گیا ہے۔ دھورندر فلم کے اداکار ندیم خان کے خلاف مقدمہ درج ہونے کے بعد اداکار کو مالوانی پولیس نے گرفتار کر لیا ہے ۔
ممبئی کے تفریحی بھروسے کو ہلا کر رکھ دینے والا ایک واقعہ ملاڈ مالوانی علاقے سے سامنے آیا ہے۔ فلم ’دھورندر‘ کے اداکار ندیم خان کو تقریباً 10 سال تک گھریلو ملازمہ کے ساتھ زیادتی اور جنسی استحصال کرنے کے الزام میں گرفتار کیا گیا ہے۔ شکایت کنندہ خاتون اداکار ندیم خان کے گھر ملازمہ تھی، ندیم خان نے اس سے شادی کا جھوٹا وعدہ کرکے کئی سال تک اس کے ساتھ جسمانی تعلق قائم کیا۔ 2015 سے ملزم ندیم خان نے اس کا اعتماد حاصل کر کے اسے متعدد بار زیادتی کا نشانہ بنایا۔ شروع میں خاتون اس معاملے کی شکایت کرنے سے ڈرتی تھی۔ تاہم ملزم کی جانب سے شادی سے صاف انکار کرنے اور ذہنی اذیت میں اضافے کے بعد اس نے پولیس سے رجوع کیا ۔
دریں اثناء خاتون کی شکایت پر مالوانی پولیس نے اداکار ندیم خان کے خلاف مقدمہ درج کرکے انہیں گرفتار کرلیا ہے۔ مالوانی پولیس یہ جاننے کے لیے مزید تفتیش کر رہی ہے کہ ممبئی شہر میں اس اداکار نے کتنی اور خواتین کو اس طریقے سے دھوکہ دیا ہے، یا دوسری خواتین کی طرف سے کوئی شکایت ہے یا نہیں ۔
