ایس آئی آر مہم : ناسک ضلع میں 90.24 فیصد اور مالیگاؤں سنٹرل میں 85.60 فیصد کام مکمل : ضلع کلکٹر آیوش پرساد , 49 لاکھ 82 ہزار 557 ووٹرز میں EFs فارمز کی تقسیم؛ 39 لاکھ 42 ہزار 653 فارمز کی ڈیجیٹلائزیش , ووٹروں سے ضروری معلومات اور دستاویزات فراہم کر انتظامیہ کے ساتھ تعاون کی اپیل

ناسک، 8 اگست /  ناسک ضلع میں اسپیشل ان ڈیپتھ ریویژن (ایس آئی آر) کے عمل کے تحت ووٹر لسٹ کو اپ ڈیٹ کرنے کا کام زور پکڑ گیا ہے اور ضلع کے 51 لاکھ 4 ہزار 458 ووٹروں میں سے 49 لاکھ 82 ہزار 557 ووٹروں کو ای ایف فارم تقسیم کیے جاچکے ہیں۔ فارمز کی تقسیم کا عمل 97.61 فیصد مکمل، 39 لاکھ 42 ہزار 653 فارمز کی ڈیجیٹائزیشن مکمل ہو چکی ہے۔ ضلع کلکٹر آیوش پرساد نے بتایا کہ ضلع میں ایس آئی آر کے عمل کی مجموعی پیشرفت 90.24 فیصد ہے۔

*ڈنڈوری، اگتپوری اور نپھاڑ میں 99 فیصد سے زیادہ کام*

حلقہ کے لحاظ سے SIR کام کی پیشرفت میں، ڈنڈوری (ST) اسمبلی حلقہ میں سب سے زیادہ تکمیل کی شرح 99.88 فیصد ہے۔ اس کے بعد اگتپوری (ایس ٹی) 99.41 فیصد، نپھاڈ 99.04 فیصد اور ناندگاؤں 98.16 فیصد ہے۔

باگلان (ایس ٹی) میں 96.45 فیصد، یولا میں 96.09 فیصد، کلون (ایس ٹی) میں 96.02 فیصد، ناسک ایسٹ میں 95.11 فیصد، چاندوڑ میں 93.51 فیصد اور سننر میں 93.18 فیصد ہیں۔

دیولالی (ایس سی) میں 87.88 فیصد، مالیگاؤں سینٹرل میں 85.60 فیصد، مالیگاؤں آؤٹر میں 85.04 فیصد اور ناسک سینٹرل میں 83.27 فیصد ہیں۔ ناسک مغربی اسمبلی حلقہ میں 61.53 فیصد کام مکمل ہو چکا ہے۔

*4 لاکھ 98 ہزار 419 اندراجات پر کام زیر التواء*

ضلع میں 6 لاکھ 63 ہزار 386 اندراجات کو 'ناقابل جمع' بتایا گیا ہے جو کہ 13 فیصد ہے۔ اس وقت 4 لاکھ 98 ہزار 419 اندراجات پر کام زیر التوا ہے جو کہ زیر التواء کام کا 9.76 فیصد ہے۔

*شہریوں کو چاہیے کہ وہ SIR کے عمل میں تعاون کریں*

ضلعی انتظامیہ ایس آئی آر کے ہر مرحلے کو درست، شفاف اور مقررہ وقت کے اندر مکمل کرنے پر توجہ دے رہی ہے۔ ووٹر لسٹ کو زیادہ درست اور تازہ ترین بنانے کے لیے شہریوں کی شرکت بہت ضروری ہے۔ ضلع کلکٹر شری پرساد نے متعلقہ ووٹروں سے ضروری معلومات اور دستاویزات فراہم کرتے ہوئے انتظامیہ کے ساتھ تعاون کرنے کی اپیل کی ہے۔