اس موقع پر مقامی نگراں سنی دعوت اسلامی مولانا سید امین القادری قبلہ نے میڈیا نمائندوں کو تفصیلات پیش کرتے ہوئے بتایا کہ اس اجتماعی نکاح میں شریک ہونے والے جوڑوں کے تمام اخراجات سنی دعوتِ اسلامی، مالیگاؤں اور ورلڈ میمن آرگنائزیشن (WMO) کی جانب سے کئے جائیں گے، تاکہ معاشرے کے مستحق اور کمزور طبقے کے نوجوان آسانی کے ساتھ ازدواجی زندگی کا آغاز کر سکیں۔ اس اقدام کا مقصد اسلامی تعلیمات کے مطابق سادگی کو فروغ دینا اور غیر ضروری رسم و رواج کے بوجھ کو کم کرنا ہے۔انہوں نے کہا کہ اجتماعی نکاح میں شرکت کے خواہشمند افراد کے لیے فارم مکتبہ قادری (مرکزِ سنی دعوتِ اسلامی) سے روزانہ بعد نمازِ عصر تا رات 11 بجے (نمازِ عشاء کے بعد) حاصل کیے جا سکتے ہیں۔ منتظمین نے اہلِ خیر اور ضرورت مند خاندانوں سے اپیل کی ہے کہ وہ بروقت رجسٹریشن مکمل کر کے اس دینی و سماجی خدمت سے استفادہ کریں۔مزید معلومات کے لیے درج ذیل نمبرات پر رابطہ کیا جا سکتا ہے:
9373808070، 9371808070، 9370008070، 9260808070، 9372720962، 9778678650۔
سنی دعوتِ اسلامی، مالیگاؤں اور ورلڈ میمن آرگنائزیشن (WMO, NIC) نے عوام الناس، بالخصوص مستحق خاندانوں سے اپیل کی ہے کہ وہ اس عظیم الشان اجتماعی نکاح پروگرام میں شرکت کریں اور اسلامی طرزِ زندگی کے فروغ کے اس مبارک عمل کا حصہ بنیں۔
