پونہ11 جون / مہاراشٹر میں گرمیوں کی تعطیل ختم ہورہی ہیں اور اس سلسلے میں ریاست کے ایجوکیشن کمشنر سورج مانڈھرے نے ایک حکمنامہ جاری کرتے ہوئے تمام ضلع پریشد کے ایجوکیشن آفیسر ،ڈیوژنل ایجوکیشن آفیسر پر ایڈمنسٹریٹر کو کہا ہے کہ ریاست میں ایک بار پھر کورونا مریضوں کی تعداد میں اضافہ ہورہا ہے اور اسکول بھی 13 جون سے کھل رہی ہیں لہذا اسکولوں کی صفائی کیلئے اساتذہ اور نان ٹیچنگ اسٹاف کو 13 و 14 جون کو اسکول میں حاضر رہیں ۔ اسطرح کا فرمان سورج مانڈھرے نے دیا ہے ۔حکم میں کہا گیا ہے کہ اگرچہ اسکول 13 جون کو شروع ہوگی ، لیکن طلباء کو 15 جون کو اصل اسکول میں بلایا جائے گا۔ حکم نامے میں کہا گیا ہے کہ اساتذہ 13 اور 14 جون کو اسکول میں موجود ہوں تاکہ اسکول کو صفائی، خوبصورتی اور کورونا کے بارے میں آگاہ کیا جا سکے۔ حکم نامے میں یہ بھی کہا گیا ہے کہ طلباء کے ساتھ ساتھ اسکول آنے والے والدین کو بھی کورونا پھیلنے کے بارے میں حساس بنایا جائے اور ان میں بیداری لائی جائے ۔
ریاستی وزیر تعلیم ورشا گائیکواڑ نے کہا تھا کہ ریاست میں اسکول 15 جون سے شروع ہوں گے۔ انہوں نے کہا تھا کہ پہلے اسکولوں کے لیے پہلا مرحلہ 13 جون کو تھا ۔
ورشا گائیکواڑ نے کہا تھا کہ فی الحال ریاست میں کہیں بھی ماسک لازمی نہیں ہیں۔ اس لیے آنے والے وقت میں صورتحال کو مدنظر رکھ کر اسکول کے حوالے سے کوئی فیصلہ کیا جائے گا۔ انہوں نے کہا، "اسکول شروع ہونے سے پہلے، ایک چائلڈ ٹاسک فورس یا محکمہ صحت عامہ سے تبادلہ خیال کرنے کے بعد فیصلہ کریں گے۔"
