ناسک :11 جون / مہاراشٹر پولیس ایکٹ 1951 کے سیکشن 37 (1) (3) کے مطابق پولیس کمشنر ناسک نے حکم امتناع جاری کردیا ہے ۔سرکاری پریس ریلیز میں درج تفصیلات کے مطابق ناسک شہر میں مختلف سیاسی جماعتوں، سماجی تنظیموں اور ٹریڈ یونینوں کی جانب سے مظاہرے، احتجاج، ہڑتال اور بھوک ہڑتال، ایجی ٹیشن۔ مذہبی تہواروں، میلوں اور دیگر تقریبات کا اہتمام ہوتا ہے۔ ریاست میں امن و امان کی صورتحال کے پیش نظر اگر ملک میں کہیں بھی فرقہ وارانہ واقعہ ہوتا ہے تو کمشنریٹ آف پولیس کے دائرہ اختیار میں سخت ردعمل کا امکان ہے۔اس حکم نامہ میں کہا گیا ہے کہ 1) ریاست مہاراشٹر میں مختلف مقامات پر عبادت گاہوں پر احتجاج جاری ہے۔ 2) گیانواپی مسجد اور مندر کی جگہ سے متعلق تنازعات / دعووں / جوابی دعووں کے تعلق سے مسلم تنظیموں کے قائدین کے بیانات کی بنیاد پر احتجاج اور مظاہرے جاری ہیں۔ 3) ہنومان چالیسہ تنازعہ / دعوے / جوابی دعوے 4) بی جے پی کی ترجمان نوپور شرما کے پیغمبر اسلام صلی اللہ علیہ وسلم سے متعلق متنازعہ بیان اور اس کے بعد میڈیا انچارج نوین کمار جندال کے بیان پر مسلم تنظیموں کے لیڈروں کی جانب سے سخت احتجاج جاری ہے۔ 5) جموں و کشمیر میں انتہا پسندوں کی طرف سے کشمیری پنڈتوں پر جان لیوا حملے اور اس کے نتیجے میں ہندوؤں اور مختلف جماعتوں کے شدید ردعمل اور مظاہرے ہو رہے ہیں۔ مذکورہ تمام پروگراموں اور ایجی ٹیشن کے پس منظر میں امن و امان کو برقرار رکھنے کے لیے ناسک سٹی پولیس کمشنریٹ کے دائرہ اختیار میں مورخہ 13 جون کی دوپہر ایک بجے سے لے کر مورخہ 27 جون کو 24 بجے تک مہاراشٹر پولیس ایکٹ 1951 کی دفعہ 37 (1) (3) کو 15 دنوں کے لیے نافذ کیا جا رہا ہے۔
مہاراشٹر پولیس ایکٹ 1951 کی ذیلی دفعہ 37 (1) (3) میں ہدایت کی گئی ہے اور اس معنی میں کہ میں اس بات کا قائل ہوں کہ مہاراشٹر پولیس ایکٹ 1951 میں امن و امان برقرار رکھنے کے لیے ناسک سٹی پولیس کمشنریٹ آئی پی سی کی دفعہ 37 (1) (3) کے تحت پابندی کا حکم جاری کیا جارہا ہے ۔ اس لحاظ سے جینت نائکنورے ، کمشنر آف پولیس، ناسک سٹی نے مہاراشٹر پولیس ایکٹ 1951 کے سیکشن 37 (1) (3) کے تحت عطا کردہ اختیارات کا استعمال کرتے ہوئے مذکورہ حکم امتناع نافذ کرنے کا حکم جاری کیا ہے ۔
