ناسک/ 22 فروری بروز بدھ کے روز بہن کے ساتھ ہوئی چھیڑ چھاڑ پر ہوئے تنازعہ میں نیلگیری باغ میں رہنے والے نوجوان کا تیز دھار ہتھیار سے وار کر کے قتل کر دیا گیا ۔ اس سلسلے میں اڑگاؤں پولس میں مقدمہ درج کیا گیا ہے اور مشتبہ نوجوان کو حراست میں لے لیا گیا ہے۔
ذرائع سے ملی تفصیلات کے مطابق اورنگ آباد روڈ پر واقع نیلگیری باغ کا رہنے والا وکاس نالاودے (عمر 25 سال) ہمیشہ ملزم کی بہن کو چھیڑتا تھا۔ اس پر مشتبہ سالوے اور نالاوڈے کے درمیان جھگڑا ہوا۔ بدھ (22 تاریخ) کو رات 9:30 اور 10:00 بجے کے درمیان، نالاوڈے نے ملزم سالوے کو نیلگیری باغ میں بلڈنگ نمبر 5 کے قریب پٹانگن میں ملنے کے لیے بلایا اور کہا کہ وہ تمہاری بہن سے شادی کرے گا۔
اس کے بعد ملزم امول سالوے (عمر 27 سال، ساکن نیل گیری باغ، اورنگ آباد روڈ) نے غصے میں آکر وکاس پر تیز دھار ہتھیار سے وار کیا اور وہ خون میں لت پت نیچے گر گیا۔ تاہم اسے بغرض علاج اسپتال میں داخل کیا گیا جہاں دوران علاج اس کی موت واقع ہوگئی۔ پولس نے اس معاملے میں امول سالوے سمیت دو مشتبہ افراد کو حراست میں لے لیا ہے اور مزید تفتیش شروع کر دی گئی ہے۔
دریں اثنا، اڈگاؤں پولس اسٹیشن کے سینئر پولس انسپکٹر عرفان شیخ کی رہنمائی میں اس آپریشن میں اسسٹنٹ پولیس انسپکٹر ہیمنت توڈکر، پولیس سب انسپکٹر اشوک پاتھرے، اسسٹنٹ پولیس سب انسپکٹر بھاسکر وڈھاونے ، پولس کانسٹیبل سریش نروڈے، پولس نائک گنیش دیسلے، نلیش کاٹکر ، دادا صاحب واگھ، دیوراج سورنجے، پولیس کانسٹیبل دنیش گمباڑے، سچن بہیکر، امول دیشمکھ، گنیش مالی وغیرہ نے کاروائی کو انجام دیا ہے ۔
