انہوں نے واضح کیا کہ بی جے پی لیڈر کریٹ سومیا نے عوامی طور پر دھمکی دی ہے کہ ووٹروں کی سماعت کے دوران ان کے کارکن موجود رہیں گے۔ اگر الیکشن کمیشن شفاف طریقے سے سروے نہیں کرتا اور پرائیویٹ ایجنسی کے خلاف کارروائی نہیں ہوتی تو احتجاج مزید شدت اختیار کرے گا۔انہوں نے کہا کہ مالیگاؤں شہر کی تاریخ گواہ ہے کہ یہاں سماجی کارکن ہمیشہ ظلم و جبر کے خلاف آواز اٹھاتے رہے ہیں۔ مالیگاؤں میں ایس آئی آر سروے کے دوران متعدد ووٹروں کے نام ووٹر لسٹ سے غائب ہونے کی شکایات سامنے آئی ہیں، جس سے مالیگاؤں میں تشویش پائی جا رہی ہے۔
الیکشن کمیشن سے فوری وضاحت اور شفاف تفتیش کا مطالبہ کیا جا رہا ہے۔مستقیم ڈگنیٹی نے کہا کہ یہ تحریک آگے بڑھے گی اور اگر الزامات کی تحقیقات نہ کی گئی تو مالیگاؤں کے ووٹرس کا نقصان ہوگا اس لئے عوام کو چوکس رہنے کی ضرورت ہے۔
اس سہیوگ میں اسلام پارٹی کے رہنما آصف شیخ کی ہدایت پر پارٹی کے صدر نوید خطیب ،احسان شیخ ،جنید عالم و دیگر ذمہ داران نے شرکت کی وہیں ۔کمیونسٹ پارٹی آف انڈیا، مارکسوادی کمیونسٹ پارٹی ، راشٹریہ جنتا دل، کانگریس پارٹی اور شہر کی ہندو مسلم سماج میں کام کررہی سماجی تنظیموں نے بھی حمایت دی اور دھرنے میں شرکت کرتے ہوئے الیکشن کمیشن کی جانب سے کئے جارہے ایس آئی آر سروے کی آڑ میں عوام کو پریشان کرنے کیخلاف اپنے خیالات کا اظہار کیا ۔انہوں نے پرانت آفیسر سے بھی مطالبہ کیا ہے کہ جنکے نام میپنگ ہوچکی ہے انہیں انومریشن فارم دیا جائے اور انکے ووٹ کو بھی قبول کرتے ہوئے انکے حق رائے دہی کو بحال کیا جائے ۔اس موقع پر پرانت آفیسر نے دھرنا گاہ میں حاضری دیتے ہوئے مظاہرین میں شان ہند و مستقیم ڈگنٹی کو تیقن دیا کہ وہ ناموں کی لسٹ فراہم کریں، جن لوگوں کے فارم نہیں آئے ہیں انہیں فارم دینے کے دو دن کے بعد لسٹ کی جانچ پڑتال کی جائے گی اور 30 جولائی کے بعد انہیں انومریشن فارم دینے کے تعلق سے فیصلہ کیا جائے گا ۔اس تیقن پر سماجوادی پارٹی کا سہیوگ اندولن ملتوی کیا گیا ہے ۔
