اس سلسلے میں پولس نے ملزم سے مزید تفتیش کیلئے پولس تحویل طلب کی اور بالآخر منصور کو اسرائیل اسو معاملہ میں بھی چار دنوں کی پولس تحویل دی گئی بعد میں پولس تحویل میں اضافہ کیا گیا ۔اس طرح کی تفصیلی معلومات آج ملزم کے دفاعی وکیل عارف شیخ نے دی ۔انہوں نے بتایا کہ منصور شیخ بشیر عبد المالک فائرنگ معاملہ میں ملزم بنایا گیا اور اسے پولس تحویل کے بعد عدالتی تحویل دی گئی لیکن اسرائیل اسو معاملہ میں بھی منصور کو ملزم بنایا گیا ۔جس میں پولس تحویل کے بعد آج 13 جون کو معزز جج شری رام کی عدالت میں شام چار بجے پیش کیا گیا جہاں جج نے منصور شیخ بشیر کو عدالتی تحویل میں رکھے جانے کا حکم صادر کیا ۔
جمعرات کی شام چھ بجے منصور شیخ بشیر کو مالیگاؤں سب جیل سے ناسک سینٹرل جیل روانہ کیا گیا ۔اس ضمن میں دفاعی وکیل عارف شیخ نے بتایا کہ اسرائیل اسو فائرنگ معاملہ کے ملزمین الگ ہیں اور عبد المالک فائرنگ معاملہ کے ملزمین الگ الگ ہیں ۔بعض ملزمین دونوں مقدمہ میں درج کئے گئے ہیں ۔ان سبھی کی پولس تحویل ختم ہوگئی ہے اور انہیں معزز جج نے عدالتی تحویل میں رکھے جانے کا حکم دیا ہے ۔منصور کے علاوہ بقیہ تمام ملزمین ناسک سینٹرل جیل پہنچ چکے ہیں آج منصور بھی پولس کی نگرانی میں عدالتی تحویل کیلئے ناسک سینٹرل جیل روانہ ہوگیا ہے ۔
