شکایت کنندہ کے بیٹے کے خلاف ایم آئی ڈی سی پولیس اسٹیشن میں مقدمہ درج کیا گیا ہے اور مذکورہ بیٹے کو ایم آئی ڈی سی پولیس نے اس معاملے میں گرفتار کرلیا ہے۔ اس معاملے میں بیٹے کے لیے پولیس حراست میں توسیع نہ لینے، ملزم بیٹے کی جلد از جلد ضمانت حاصل کرنے اور تحقیقات میں تعاون کرنے اور چارج شیٹ داخل کرتے وقت کیس کو کچا بنانے کے لیے پاٹل نے اتوار (23نومبر ) کو شکایت کنندہ سے 1 لاکھ 60 ہزار روپے کی رشوت طلب کی۔ تاہم، شکایت کنندہ کے اتنی رقم ادا کرنے سے انکار کرنے کے بعد، شکایت کنندہ سمجھوتے کے بعد ایک لاکھ روپے کی رقم ادا کرنے پر راضی ہوگیا۔
تاہم اس کے بعد شکایت کنندہ نے محکمہ انسداد بدعنوانی سے رابطہ کیا اور اس کی اطلاع دی۔ ڈپٹی سپرنٹنڈنٹ آف پولیس سریش شرساٹھ، کانسٹیبل پنکج پالشیکر، پرمود چاونکے، محکمہ انسداد بدعنوانی کے یوگیش شندے کی ایک ٹیم نے تمام حقائق کا پتہ لگانے کے بعد ایم آئی ڈی سی پولیس اسٹیشن کے احاطے میں جال بچھا دیا۔ جیسے ہی شکایت کنندہ نے پنچ کے سامنے رشوت کی رقم راجو پاٹل کے حوالے کی، اینٹی کرپشن ٹیم نے پاٹل کو رنگے ہاتھوں پکڑ لیا۔ اس کے بعد ٹیم نے پاٹل کو حراست میں لے لیا اور اس کے خلاف انسداد بدعنوانی ایکٹ 1988 کی دفعہ 7 کے تحت سننر پولس اسٹیشن میں مقدمہ درج کیا گیا ہے۔
