ناسک ضلع کے تمام پولنگ اسٹیشن پر 12 جولائی کو Enumeration فارم بھرنے کا خصوصی کیمپ ، اہل ووٹرز خصوصی کیمپ سے فائدہ اٹھائیں

ناسک/ ووٹر لسٹ اسپیشل ان ڈیپتھ ریویژن (SIR) پروگرام کے تحت 12 جولائی تک ضلع کے تمام پولنگ اسٹیشنوں پر خصوصی کیمپس کا انعقاد کیا گیا ہے۔ الیکشن ڈیپارٹمنٹ نے شہریوں سے اپیل کی ہے جو آن لائن خود Enumeration کا عمل مکمل نہیں کر پا رہے ہیں وہ ان کیمپوں سے فائدہ اٹھائیں اور پولنگ اسٹیشن لیول آفیسر (BLO) کی مدد سے رجسٹریشن فارم بھریں۔

ان خصوصی کیمپوں کے سلسلے میں معلومات فراہم کرنے کے لیے آج ضلع کلکٹر کے دفتر میں ایک پریس کانفرنس کا اہتمام کیا گیا۔ اس موقع پر 124 ناسک سنٹرل کی اسسٹنٹ الیکشن آفیسر اور اسسٹنٹ ڈسٹرکٹ کلکٹر ارپیتا تھوبے، 123 ناسک ایسٹ حلقہ کے اسسٹنٹ الیکشن آفیسر کندن ہیرے، 125 ناسک ویسٹ کی اسسٹنٹ الیکشن آفیسر شوبھانگی بھردے، 126 ناسک روڈ-دیولالی حلقہ کی اسسٹنٹ الیکشن آفیسر شرمیلا بھوسلے ، تحصیلدار مادھوری آندھلے اور ایڈیشنل تحصیلدار امول نکم موجود تھے۔

اس موقع پر اسسٹنٹ ریٹرننگ افسران نے اپنے اپنے حلقوں میں ووٹر لسٹ پر خصوصی نظرثانی پروگرام کے تحت جاری سرگرمیوں کے بارے میں بتایا۔ ان کا کہنا تھا کہ پولنگ اسٹیشن لیول آفیسرز (BLOs) ہر گھر کا دورہ کر رہے ہیں اور شہریوں سے خود انومرشن کا عمل مکمل کر رہے ہیں اور ووٹر رجسٹریشن کو مزید درست اور تازہ ترین بنانے کے لیے وسیع پیمانے پر آگاہی بھی پیدا کی جا رہی ہے۔

جو ووٹر آن لائن عمل مکمل نہیں کر پا رہے ہیں وہ 12 جولائی تک اپنے متعلقہ پولنگ اسٹیشنوں پر جائیں اور BLO کی مدد سے Enumeration فارم بھریں۔ ان سے یہ بھی اپیل کی گئی کہ وہ پولنگ اسٹیشن پر آتے وقت اپنا ووٹر شناختی کارڈ (EPIC) اور ضروری دستاویزاتو   ساتھ لائیں۔

*ووٹر لسٹ کے خصوصی گہرائی سے نظرثانی (SIR) کی اہم تاریخیں درج ذیل ہیں :*

• 30 جون سے 29 جولائی 2026: اندراج فارم  کی گھر گھر تقسیم

• 5 اگست 2026: ووٹر لسٹ کے مسودے کی اشاعت  

• 5 اگست سے 4 ستمبر 2026: دعوے اور اعتراضات قبول کرنے کی مدت

• 5 ستمبر سے 3 اکتوبر 2026: دعووں اور اعتراضات کا ازالہ

• 7 اکتوبر 2026: حتمی ووٹر لسٹ کی اشاعت

تمام عوام  سے اپیل کی گئی کہ وہ ووٹر لسٹ کو مزید درست، تازہ ترین اور جامع بنانے کے لیے اس خصوصی نظرثانی مہم میں بڑھ چڑھ کر حصہ لیں۔