مالیگاؤں / ناسک دیہی ضلع ایس پی شاہجی امپ نے مالیگاؤں شہر میں بغیر لائسنس کے غیر قانونی ہتھیار فروخت کرنے کے ساتھ ساتھ غیر قانونی طور پر گوشت فروخت کرنے والوں کے خلاف قانونی کارروائی کرنے کا حکم دیا ہے ۔ ایڈیشنل سپرنٹنڈنٹ آف پولیس مالیگاؤں انیکیت بھارتی اور پولیس سپرنٹنڈنٹ شری تیگبیر سنگھ سندھو کی رہنمائی میں پوارواڑی انسپکٹر سدھیر پاٹل کو ایک خفیہ مخبر کے ذریعے اطلاع ملی کہ امین گولڈن نام کے ایک شخص نے پوارواڑی پولیس اسٹیشن کی حدود میں واقع درےگاؤں شیوار میں واقع سنیہ حنفیہ مدرسہ کے پاس اپنے فارم ہاؤس میں پترے کے شیڈ میں الماری میں ایک دیسی کٹا اور ایک کوئتہ رکھا ہے اور کچھ افراد اس جگہ پر ہرن کا گوشت کاٹ رہے ہیں ۔ اطلاع ملتے ہی قانونی کارروائی کیلئے انسپکٹر پاٹل نے ویٹرنری آفیسر مالیگاؤں شری جاوید کھاٹک اور محکمہ جنگلات کے آفیسر کانتی لال بالکے ، اتل دیورے ، پوار واڑی پولیس اسٹیشن کے اسسٹنٹ پولیس انسپکٹر دنیشور بڈگجر، پولیس حولدار سچن دھارنکر، راکیش اوبالے، ونائک جگتاپ، سچن گوساوی ، سنتوش سانگلے , بھرت گانگورڈے، نوناتھ شیلار، پی ، امیش کھیرنار کو ساتھ لیکر موقع پر کاروائی کرتے ہوئے 3 افراد کو حراست میں لیا ، جنہوں نے اپنا نام 1) شیخ شبیر شیخ رزاق عرف علا، عمر 45 سال ساکن گلی نمبر 4، مکان نمبر 831، کمالپورہ، مالیگاؤں 2) شوکت حسین نثار احمد عمر 44 سال سروے نمبر 17، مکان نمبر 108، مومن پورہ، مالیگاؤں 3) دانش شیخ اشفاق عمر 22 سال، رہائشی گلی نمبر 3، مکان نمبر 332 ، عائشہ نگر مالیگاؤں بتایا ہے ۔
پی آئے پاٹل نے وہاں پڑے گوشت کے متعلق پوچھ گچھ کی تو انہوں نے بتایا کہ یہ ہرن کا گوشت ہے۔ جب ان سے پوچھا گیا کہ ان کے پاس ہرنوں کا کتنا گوشت ہے تو انہوں نے بتایا کہ 6 ہرنوں، 3 مادہ اور 3 نر کا 120 کلو گوشت ہے ۔ شیخ شبیر شیخ رزاق عرف آعلیٰ نے بتایا کہ فارم ہاؤس محمد امین محمد ہارون انصاری کا ہے۔ جو کمال پورہ مالیگاؤں سے تعلق رکھتا ہے ، وہیں ہرن 1) محمد امین محمد ہارون انصاری (فرار) اور 2) مدثر عقیل احمد ساکن بیلباغ مالیگاؤں (فرار) کے ذریعہ لایا گیا ہے ۔ مذکورہ مقام سے مجموعی طور پر 6 ہرنوں کا 120 کلو گرام گوشت، 1 دیسی پستول ، 19 گولیاں ، 1 لوکھنڈی کوئتہ اور 1 سرمئی رنگ کی ہونڈا شاہین موٹر سائیکل ، بغیر نمبر پلیٹ کی سمیت 2 لاکھ 52 ہزار 100 روپے کا مال ضبط کیا گیا ہے ۔ اس معاملے کی مزید تحقیقات پولیس انسپکٹر سدھیر پاٹل کر رہے ہیں ۔
