سٹی پولس کی طرف سے فراہم کردہ معلومات کے مطابق سولہ سالہ متاثرہ لڑکی جو کہ بارہویں جماعت کی طالبہ تھی، چار اپریل سے نوین نگر روڈ پر واقع ایک اسپتال میں زیر علاج تھی۔ اسی دوران اتوار کی صبح ڈاکٹر کرپے نے اس سے پوچھ گچھ کی اور اسے اسپتال کی چھت پر لے گئے۔ وہاں اس کی مرضی کے خلاف جنسی زیادتی کی گئی اور دھمکیاں دی گئیں۔ متاثرہ نے اپنے گھر والوں کو اس دلخراش واقعہ سے آگاہ کیا۔
اس کے بعد، متاثرہ کی طرف سے سٹی پولیس میں درج کرائی گئی شکایت کی بنیاد پر، ڈاکٹر امول کرپے کے خلاف تشدد سمیت POCSO ایکٹ کے تحت مقدمہ درج کیا گیا ہے۔ مزید تفتیش پولیس انسپکٹر رویندر دیشمکھ کی رہنمائی میں سب انسپکٹر فرح ناز پٹیل کررہی ہیں۔ ادھر پولیس نے واقعے کے بعد فرار ہونے والے ڈاکٹر کو حراست میں لے لیا ہے۔ اس واقعہ نے طبی برادری سمیت تعلقہ میں ہلچل مچا دی ہے۔
