**ریاستی سطح پر مہاراشٹر حکومت کی جانب سے اعزاز سے نوازا گیا**
7 اپریل – عالمی یوم صحت کے موقع پر یشونت راؤ چوہان آڈیٹوریم، ممبئی میں منعقدہ افتتاحی تقریب کے دوران اس ایوارڈ سے سرفراز کیا گیا۔ اس موقع پر معزز مہمان جناب پروفیسر رام شندے (چیئرمین، مہاراشٹرا قانون ساز کونسل) اور معزز وزیر صحت جناب پرکاش آبٹکر کی موجودگی میں مالیگاؤں میونسپل کارپوریشن کے صحت افسر ڈاکٹر جے شری آہر، شہری ٹی بی افسر ڈاکٹر رُشیکیش سالونکے اور NTEP اسٹاف پروگرام کوآرڈینیٹر امجد خان، کو اعزاز سے نوازا گیا۔
یہ تقریب مہاراشٹر حکومت کے محکمہ صحت کی جانب سے معزز سیکریٹری ڈاکٹر نپُن وینایک اور مشن ڈائریکٹر جناب امگوٹھو سری رنگا نائیک کی نگرانی میں منعقد ہوئی۔
میونسپل کمشنر جناب رویندر جادھو کی دوراندیش قیادت میں ٹی بی خاتمہ کے لیے جدید حکمت عملی اختیار کی گئی۔ ان کی رہنمائی میں موثر صحت خدمات مہیا کی گئیں۔ اضافی کمشنر نوتن کھاڈے، ڈپٹی کمشنر پَلوی شِرسات اور اسسٹنٹ کمشنر توصیف شیخ کی مسلسل رہنمائی نے بھی اس کامیابی میں اہم کردار ادا کیا۔ جنرل ہاسپٹل مالیگاؤں کے میڈیکل سپرنٹنڈنٹ ڈاکٹر یوگیش پاٹل کا بھی مسلسل تعاون حاصل رہا۔
میونسپل کارپوریشن کی میڈیکل آفیسر ڈاکٹر جیشری آہر نے کہا:
*"عوامی خدمت ہماری اولین ترجیح ہے، اور مالیگاؤں نے ٹی بی کے خلاف جدوجہد میں نمایاں مقام حاصل کیا ہے۔ ہم جدید طریقہ علاج اور عوامی شعور بیداری کے ذریعہ یہ سنگ میل عبور کر سکے۔"*
شہری ٹی بی افسر ڈاکٹر رشیکیش سالونکے نے کہا:
*"قومی رہنما اصولوں پر عمل، میونسپل انتظامیہ کی مکمل حمایت اور محکمہ صحت کی پوری ٹیم کی محنت سے یہ کامیابی حاصل ہوئی۔ ہم اس عزم کا اعادہ کرتے ہیں کہ مالیگاؤں کو ٹی بی سے پاک شہر بنانے کے لیے مسلسل جدوجہد جاری رکھیں گے۔"*
پروگرام کوآرڈینیٹر جناب امجد خان نے تفصیل بتاتے ہوئے کہا:
*"شہری ٹی بی مرکز نے NTEP کی ہدایات کے مطابق درج ذیل اقدامات پر موثر عملدرآمد کیا، جن کی بدولت یہ کامیابی ممکن ہوئی:"*
1. **فوری تشخیص و علاج:** مشتبہ مریضوں کی فوری CBNAAT، TrueNat، ایکسرے اور بلغم کی جانچ کی گئی تاکہ جلد تشخیص اور بر وقت علاج ممکن ہو سکے۔
2. **مفت ادویات:** DOTS اور FDC کے ذریعہ مستقل دوا کی فراہمی یقینی بنائی گئی۔
3. **نکشے پوشن یوجنا:** ہر مریض کو ₹1000 ماہانہ مالی امداد اور غذائی امداد بھی دی گئی۔
4. **فعال مریض تلاش مہم:** ہائی رسک علاقوں میں گھر گھر جا کر جانچ کی گئی۔
5. **عوامی شعور بیداری:** اسکول، کالج، بستیوں اور عوامی مقامات پر کیمپ، ورکشاپس اور سوشل میڈیا مہم کے ذریعہ بیداری پھیلائی گئی۔
6. **ڈیجیٹل ٹیکنالوجی کا استعمال:** NIKSHAY پورٹل کے ذریعہ مریضوں کا مکمل ڈیٹا، دوا کی نگرانی اور SMS الرٹس کی سہولت دی گئی۔
7. **نجی شعبے کا تعاون:** نجی ڈاکٹروں، لیبارٹریز اور میڈیکل اسٹورز کے ذریعے بھی مریضوں کی رجسٹریشن پر زور دیا گیا۔
8. **100 دن مہم کا نفاذ:** حکومت کے مقررہ 100 دنوں کی مہم کو سختی سے نافذ کیا گیا۔
9. **CY-TB اور بالغ BCG ویکسین:** پوشیدہ ٹی بی کے پتہ لگانے کے لیے CY-TB جانچ شروع کی گئی اور ہائی رسک افراد کو بالغ BCG ویکسین دی گئی۔
10. **آیوش ڈاکٹروں کی ورکشاپس:** چونکہ یرن مشین مزدور عموماً آیوش ڈاکٹروں سے رجوع کرتے ہیں، اس لیے ان کے لیے بھی رہنما اصولوں پر مبنی ورکشاپس کا انعقاد کیا گیا۔
**مالیگاؤں: مہاراشٹر کے لیے ایک مثالی ماڈل**
مالیگاؤں شہر ٹی بی مرکز کی یہ کامیابی پورے مہاراشٹر کے لیے ایک مثال بن چکی ہے۔ ٹی بی سے پاک شہر کی سمت میں مالیگاؤں کی کوششیں قابلِ تعریف ہیں، اور محکمہ صحت کی لگن اور میونسپل انتظامیہ کی رہنمائی سے جلد ہی مالیگاؤں کو "ٹی بی سے پاک شہر" کے طور پر جانا جائے گا۔
