آن لائن گیم کے ذریعے 27 لاکھ 60 ہزار روپے کی دھوکہ دہی ، 7 افراد کے خلاف مقدمہ درج

 ناسک / آن لائن گیمز کے ذریعے زیادہ پیسے دینے کا لالچ دے کر ایک شخص کو 27 لاکھ کا جھانسہ دینے والے 7 افراد کے خلاف اوجہر پولیس اسٹیشن میں مقدمہ درج کیا گیا ہے ۔  اس دھوکہ دہی کے سامنے آنے کے بعد بنگو (رولیٹ) گیم کا معاملہ ایک بار پھر منظر عام پر آگیا ہے ۔

ذرائع سے ملی تفصیلات کے مطابق فریادی رام داس ارجن نہرے (عمر 45 سال ، ساکن ٹھانگاؤں، تعلقہ یولہ) کو اعتماد میں لیکر اپنے موبائل پر رولیٹ گیم کھیلنے پر مجبور کیا گیا کہ اگر وہ آن لائن (رولیٹ گیم ) بنگو کھیلے گا تو اسے فوری طور پر دگنی رقم مل جائے گی۔ اسی دوران مدعی کو احساس ہوا کہ اسے دھوکہ دیا جا رہا ہے۔  چنانچہ انہوں نے کھیل کھیلنا چھوڑ دیا۔  اس کے بعد مشتبہ افراد نے ارجن نہرے سے ملتے ہیں اور اسے قائل کرتے ہیں کہ آپ کی کھوئی ہوئی رقم واپس حاصل کرنے کا سنہری موقع ہے۔

 اس کے بعد نہرے کو دوبارہ آن لائن سائبر بنگو (رولیٹ) گیمز کھیلنے کا لالچ دیا گیا۔  ملزمان کے اعتماد اور رقم کے لالچ سے مدعی کو وقتاً فوقتاً 27 لاکھ 60 ہزار روپے کا جھانسہ دیا گیا۔  اس سلسلے میں جب ملزمان سے پوچھا گیا تو انہوں نے نہرے کو دھمکیاں دیں۔  ارجن نہرے نے اوجہر پولیس اسٹیشن  میں اس دھوکہ دہی کی شکایت درج کرائی ۔

 دریں اثنا، پولیس کی طرف سے مکمل تحقیقات کے بعد، مشتبہ افراد کے خلاف مقدمہ درج کر لیا گیا ہے اور پولیس انسپکٹر درگیش تیواری کی رہنمائی میں مزید تفتیش جاری ہے۔

 آن لائن گیم کا جھانسہ دیکر دھوکہ دہی کرنے والے مشتبہ افراد میں اچل چیرسیا، رمیش چیرسیا (دونوں رہائشی ممبئی)، کیلاس شاہ (ناسک)، راجکمار ترمبک جادھو عرف کمار جادھو ( اوجہر ) ، امول بابو راؤ کدم (نپھاڈ)، دیپک چنتامن سونونے (لاسلگاوں)، ویبھو جگدیش بچھاؤ (جیل روڈ، ناسک) شامل ہیں ۔