پولیس کے ذریعہ فراہم کردہ معلومات یہ ہے کہ ہنبرواڑی کوگنولی (نیپانی) کے رویندر بالا صاحب کھوٹ (عمر 30) اپنی بیوی سشیلا اور بیٹے ویراج کے ساتھ موٹر سائیکل پر کاگل جارہے تھے۔ کاگل میں سرحدی چوکی کے سامنے کنٹینر کو اوور ٹیک کرتے ہوئے پیچھے سے آنے والی کار نے کھوت کی موٹر سائیکل کو زور سے ٹکر مار دی۔ اس تصادم میں سشیلا کار سے گر گئی اور کنٹینر کے نیچے آ گئی۔ کنٹینر کا پچھلا پہیہ اس کے سر پر چڑھ جانے سے اس کی موقع پر ہی موت ہوگئی جبکہ رویندر اور اس کا بیٹا ویراج کچھ فاصلے پر سڑک پر گر گئے۔ ان کی موٹر سائیکل تقریباً 70 سے 80 فٹ تک جا کر سڑک پر گری ، حادثے کی اطلاع ملتے ہی کاگل پولیس موقع پر پہنچ گئی اور ہائی وے پر ٹریفک سروس کو کلیر کیا ۔ سوشیلا کی لاش کو پوسٹ مارٹم کے بعد کاگل کے دیہی اسپتال بھیج دیا گیا ہے۔ سشیلا عرف شویتا کا مائکہ چکوڈی ہے۔ تھانہ کاگل میں معاملہ درج کیا گیا ہے۔ اس دوران حادثہ کے بعد کنٹینر اور ڈرائیور موقع سے فرار ہو گئے۔ آر ٹی او چیک پوسٹ پر کچھ عملے نے تعاقب کیا اور کنٹینر کو پکڑ لیا۔ لیکن کار سوار کار سمیت فرار ہو گیا ہے ، کاگل پولیس اس کی تلاش کر رہی ہے ۔
