اس موقع پر میونسپل کمشنر رویندر جادھو نے عالمی بینک کے وفد کو مالیگاؤں شہر کا مختصر تعارف پیش کیا۔وفد کے دورے کے دوران شہر کی جغرافیائی صورتحال، شہریوں کے رہن سہن، میونسپل کارپوریشن کے بجٹ، میونسپل کارپوریشن و سرکاری ملکیت کی زمینوں، ترقیاتی منصوبہ بندی، پراپرٹی ٹیکس کی وصولی اور دیگر اہم امور سے متعلق تفصیلی معلومات حاصل کی جائیں گی۔
میونسپل کارپوریشن کی جانب سے ڈپٹی کمشنر شیخ محمد توصیف نے وفد کے سامنے مختلف امور پر پریزنٹیشن پیش کیا۔ اس کے بعد سابق رکن اسمبلی آصف شیخ نے عالمی بینک کے وفد سے ملاقات کرتے ہوئے مالیگاؤں کی جغرافیائی، معاشی اور سماجی صورتحال سے آگاہ کیا اور شہر کی ترقی کے لیے میونسپل کارپوریشن کو خاطر خواہ مالی معاونت فراہم کرنے کی درخواست کی۔
اس ضمن میں کارپوریشن کی جانب سے جاری کردہ ایک پریس ریلیز کے مطابق عالمی بینک کا وفد اپنے دورے کے دوران حاصل ہونے والی معلومات اور شہر کی صورتحال کا جائزہ لینے کے بعد اپنی رپورٹ عالمی بینک کو پیش کرے گا۔ اس رپورٹ کی بنیاد پر مالیگاؤں میونسپل کارپوریشن کے لیے ممکنہ مالی معاونت سے متعلق آئندہ کارروائی متوقع ہے۔
اس موقع پر ہاؤس لیڈر نہال انصاری ، اسلام پارٹی کے گٹ نیتا لیڈر خالد شیخ، سماج وادی پارٹی کے گٹ نیتا مستقیم ڈگنیٹی، شیوسینا کے نلیش آہر، سینئر کارپوریٹر اسلم انصاری، معاون شکیل جانی بیگ، ڈپٹی کمشنر ڈاکٹر سونیتا کومات، پلوّی شرساٹھ، شیخ محمد توصیف، سٹی انجینئر کیلاش بچاؤ، اسسٹنٹ کمشنر دنیش مورے، بالو دھونڈگے، اکاؤنٹس آفیسر ہریش ڈمبر، ای-ایڈمنسٹریشن شعبہ کے سربراہ سچن مہالے، ڈپٹی انجینئر شانتا رام چورے، سچن مالوال، مہیش گانگورڈے، سپرنٹنڈنٹ محمد عرفان، منیش ڈھلور، تعلقات عامہ افسر پنکج سونونے سمیت دیگر افسران و ملازمین موجود تھے ۔
