پنچوٹی/گزشتہ ہفتے مخمل آباد روڈ پر جگجھاپ مارگ پر واقع گنجال علاقے میں 28 سالہ ساگر شندے نامی نوجوان کا 12 افراد پر مشتعمل گینگ نے بے دردی سے قتل کر دیا تھا ۔ اس معاملے میں اب تک پولیس نے سات مشتبہ افراد کو گرفتار کیا ہے اور ان میں سے ایک نابالغ ہے ۔ جبکہ دیگر چار ملزمان ابھی تک مفرور ہیں ، پولیس نے قتل کے اس واقعہ میں ملزمان کے زیر استعمال دو پستول کے ساتھ دو اسٹیل راڈ اور دو زندہ کارتوس برآمد کر لیے ہیں۔
اس سلسلے میں مزید معلومات یہ ہے کہ گزشتہ ہفتے جمعہ (13 اکتوبر) کو دوپہر تقریباً 2 بجے کے درمیان ساگر وشنو شندے نامی نوجوان کے ساتھ پرانے جھگڑےکو لیکر تنازعہ پیدا کر اسکا قتل کر دیا ۔ واقعہ کے چند گھنٹے بعد ہی ملزمین کیدار صاحب راؤ انگلے، رشیکیش رام چندر آہر، نکول سریش چوہان اور دیپک سکدیو ڈگلے کو پنچوٹی پولیس نے ق قصبے سکنے سے گرفتار کیا ۔ سینئر پولیس انسپکٹر انیل شندے کی رہنمائی میں پولس انسپکٹر (کرائم) جتیندر سپکالے معاملے کی جانچ کر رہے ہیں۔
اس قتل کی منصوبہ بندی کرتے ہوئے مہاراشٹرا اور مدھیہ پردیش کے سرحدی علاقے سے دو پستول لائے گئے تھے۔ یہ پستول لے جانے والے گورو دلیپ اُنہونے اور کرن سکھلال کیوار (دونوں ساکن ہیرا واڑی، پنچوٹی) کو پولیس نے گرفتار کر لیا۔ ان کے پاس سے دو پستول دو زندہ برآمد ہوئے جو ساگر شندے کے قتل کے واقعہ میں استعمال ہوئے تھے۔ اس کے ساتھ ہی پولیس نے قتل میں استعمال ہونے والے چاقو، چاپڑ ، دو اسٹیل راڈ بھی ضبط کر لیے ہیں۔
اس دوران مشتبہ افراد کیتن وراڈے، روہت عرف جهمپیا مرتڈک ، مچھندر جادھو، گھولپ یش پوار، سنکیت گورے (پورا نام اور پتہ نہیں) کی تلاش کے لیے تفتیشی ٹیمیں روانہ کی گئی ہیں جو ابھی تک مفرور ہیں اور پولیس ان کی تلاش میں ہے۔ سینئر پولیس انسپکٹر انیل شندے نے کہا کہ انہیں جلد ہی گرفتار کر لیا جائے گا۔
کمشنر آف پولیس انکش شندے، ڈپٹی کمشنر آف پولیس کرن کمار چوہان، اسسٹنٹ کمشنر آف پولس پنچوٹی ڈویژن نتن جادھو، سینئر پولیس انسپکٹر پنچوٹی پولیس اسٹیشن انل شندے، پولس انسپکٹر (کرائم) سپکالے، پولیس انسپکٹر پرشاسن بگاڑے کی رہنمائی میں کرائم انویسٹیگیشن ٹیم کے اسسٹنٹ پولیس انسپکٹر روہت کیدار، متھن پردیشی، دنیش کھیرنار، پولیس سب انسپکٹر یوگیش مالی، پولیس کانسٹیبل ڈی بی۔ شیلکے، ساگر کلکرنی، سنتوش جادھو، پولیس نائک یتن پوار، دیپک نائک، کیلاس شندے، راکیش شِد، ایس ایس۔ باکر، ایس ڈی گانگورڈے، روہیداس لِلکے، پولس کمشنر گوس سبلے، گھنشام مہلے، سریکانت کاروے، آر۔ آر گنجال، ٹی بی موفل، کیلاس وکچورے، ڈرائیور کے۔ آر مہالے، جادھو، نتن پوار نے مشترکہ طور پر پر اس کاروائی کو انجام دیا ہے۔
