علاقہ کے متحرک نوجوان اور سماجوادی پارٹی کے اہم رکن مسیح اللہ بیسٹ کو فوراً طلب کیا گیا۔ مسیح اللہ بیسٹ موقع پر پہنچے، صورتحال کا تفصیلی جائزہ لیا اور فوری کارروائی کی۔ انہوں نے مالیگاؤں پاور سپلائی لمیٹڈ کمپنی کے آفیسران سے رابطہ کیا، جس کے بعد عارضی طور پر لائن درست کروا کر بجلی کی سپلائی بحال کرائی گئی۔
مسیح اللہ بیسٹ نے کمپنی کے آفیسران پر مستقل حل کے لیے دباؤ ڈالا، جس کے بعد آفیسران نے 8 دن کے اندر وائر کی تبدیلی کے ذریعے مسئلہ مستقل طور پر حل کرنے کا وعدہ کیا۔ موقع پر موجود شہریوں نے مسیح اللہ بیسٹ کے فوری اور مؤثر اقدام پر دل کھول کر شکریہ ادا کیا۔
