ناسک | سنیچر کی رات ممبئی-ناسک ہائی وے پر ایک کنٹینر اور ایک کار کے درمیان خوفناک حادثہ پیش آیا ہے۔ اس حادثے میں ایک شخص کی موقع پر ہی موت ہو گئی اور تین دیگر شدید زخمی ہوئے ہیں ۔ ابتدائی معلومات کے مطابق حادثہ گاڑی کا کنٹرول کھو جانے کے باعث پیش آیا ہے .
اس سلسلے میں موصول ہونے والی معلومات کے مطابق ممبئی ناسک ہائی وے پر پڑگھا کے قریب کھڈولی پھاٹہ کے قریب کنٹینر ڈرائیور گاڑی سے کنٹرول کھو بیٹھا اور کنٹینر پیچھے سے کار سے ٹکرا گیا۔ اس کے بعد کنٹینر ڈرائیور نے کار کو تیزی سے آگے سڑک کے کنارے ایک آئس کریم ٹیمپو سے ٹکرا دیا ۔
اس وقت آئس کریم کھانے والے تین سے چار افراد کو دو پہیہ گاڑی کے ساتھ کھدیڑے گئے ۔ جس میں ایک کی موقع پر ہی موت ہو گئی ہے۔ تین افراد شدید زخمی ہیں جن کا پرائیویٹ اسپتال میں علاج جاری ہے۔ خوش قسمتی سے کنٹینر کار کے پچھلے حصے سے ٹکرا جانے سے کار میں سوار افراد بال بال بچ گئے ۔
اس دوران اس حادثہ میں دو سے تین دو پہیہ گاڑیوں اور ایک کار اور ایک آئس کریم ٹیمپو کو کافی نقصان پہنچا ہے۔ حادثے کے بعد فرار ہونے والے کنٹینر ڈرائیور کو پولیس نے حراست میں لے لیا ہے ، پڑگھا پولیس پورے واقعے کی تحقیقات کر رہی ہے۔
