مالیگاؤں / 19 نومبر کی رات لکھماپور شیوار میں گرام پنچایت کے کنویں میں ایک 28 نوجوان نے چھلانگ لگا کر خودکشی کر لی ۔
ملی تفصیلات کے مطابق فائر بریگیڈ ملازم شکیل تیراک بتایا کہ کل رات لکھماپور شیوار گرام پنچایت کے کنویں میں ایک نوجوان نے چھلانگ لگا دی تھی ، جس کی تلاش کی گئی مگر وہ نظر نہیں آیا ، اس دوران رات 4 بجے لکھماپور گرام پنچایت کے سرپنچ کا فون فائر بریگیڈ انچارج سنجے پوار کو آیا جس میں انہوں نے نوجوان کے ڈوبنے کی اطلاع دی ، خبر ملتے ہی سنجے پوار نے شکیل تیراک کو موقع پر پہونچنے کو کہا ،
شکیل تیراک نے موقع پر پہونچ کر صبح ساڑھے 5 بجے وہاں موجود ایک دوسرے سے لگے ہوئے کچے اور پکے کنویں میں سرچ آپریشن شروع کرتے ہوئے نوجوان کی لاش باہر نکالنے میں کامیابی حاصل کی ، موقع پر موجود اہل خانہ ، سرپنچ و پولیس کے سپرد لاش کو دیا گیا ، پنچنامہ و قانونی اور پوسٹ مارٹم کے بعد لاش اہل خانہ کے سپرد کی گئی ، اس موقع پر بڑی تعداد میں مقامی افراد موجود تھے ۔
